88:23Lakini anaye rudi nyuma na kukataa,

88:24Basi Mwenyezi Mungu atamuadhibu kwa adhabu iliyo kubwa kabisa!

88:25Hakika ni kwetu Sisi ndio marejeo yao.

88:26Kisha hakika ni juu yetu Sisi hisabu yao!

89:1Naapa kwa alfajiri,

89:2Na kwa masiku kumi,

89:3Na kwa viwili viwili na kimoja kimoja,

89:4Na kwa usiku unapo pita,

89:5Je! Hapana katika haya kiapo kwa mwenye akili?

89:6Kwani hukuona jinsi Mola wako Mlezi alivyo wafanya kina A'di?

89:7Wa Iram, wenye majumba marefu?

89:8Ambao haukuumbwa mfano wake katika nchi?

89:9Na Thamudi walio chonga majabali huko bondeni?

89:10Na Firauni mwenye vigingi?

89:11Ambao walifanya jeuri katika nchi?

89:12Wakakithirisha humo ufisadi?

89:13Basi Mola wako Mlezi aliwapiga mjeledi wa adhabu.

89:14Hakika Mola wako Mlezi yupo kwenye mavizio anawavizia.

89:15Ama mtu anapo jaribiwa na Mola wake Mlezi, akamkirimu na akamneemesha, husema: Mola wangu Mlezi amenikirimu!

89:16Na ama anapo mjaribu akampunguzia riziki yake, husema: Mola wangu Mlezi amenitia unyonge!

89:17Sivyo hivyo! Bali nyinyi hamuwakirimu mayatima,

89:18Wala hamhimizani kulisha masikini;

89:19Na mnakula urithi kwa ulaji wa pupa,

89:20Na mnapenda mali pendo la kupita kiasi.

89:21Sivyo hivyo! Itakapo vunjwa ardhi vipande vipande,

89:22Na akaja Mola wako Mlezi na Malaika safu safu,